KATAR 2022 – 6 000 kabina për tifozët

Katari njoftoi dje ndërtimin e 6 000 kabinave për tifozët në një zonë të izoluar pranë aeroporteve të tij, një mënyrë strehimi gjatë Kupës së Botës, që pritet të fillojë në 20 nëntor, sipas “The Associated Press” (AP). Teksa gazetarët vizitonin kabinat, erërat e shkretëtirës ngritën rërë në zonën rreth 3.1 kilometra katrorë (1.1 milje katrore), ku ndodhej një stacion metroje, një stacion autobusi dhe një restorant i përkohshëm dhe dyqan komoditeti i planifikuar. “Zona, në teori mund të mbajë deri në 12 000 persona nëse rezervohet sipas kapacitetit”, thanë zyrtarët. Mjedisi i jashtëm është mbuluar me bar jeshil artificial, ndërsa në zonat e përbashkëta janë vendosur karrige të mëdha në stilin e fasules nën qiellin gri. Një ekran i madh është gjithashtu i pranishëm për tifozët që të shikojnë ndeshjet. Kabinat me ngjyra të ndezura, secila me mure të hollë, janë projektuar për të mbajtur brenda një ose dy persona me krevate dyshe, një komodinë, një tavolinë dhe karrige të vogël, ajër të kondicionuar, një tualet dhe një dush. Secila prej tyre do të kushtojë rreth 200 dollarë në natë. “Rreth 60% e kabinave janë rezervuar tashmë për turneun”, tha Omar al-Jaber, kreu i akomodimit në Komitetin Suprem të Katarit. Gjithashtu, në vend do të ofrohen dhoma të tjera me 80 dollarë në natë, më larg se ky vend pranë Aeroportit Ndërkombëtar të Dohas dhe Aeroportit Ndërkombëtar Hamad, të cilat do të kenë fluturime në të gjitha orët gjatë turneut.https://ata.gov.al/2022/11/10/katar-2022-6-000-kabina-per-tifozet/