Në një largim të konsiderueshëm nga logoja e saj ikonë 135-vjeçare, ”Johnson & Johnson” ka zbuluar një logo të re të korporatës. Shkrimi korsiv tradicional, që të kujton dorëshkrimin e bashkëthemeluesit James Wood Johnson, po zëvendësohet me një pamje bashkëkohore, ndërsa kompania e zhvendos fokusin e saj drejt pajisjeve mjekësore dhe ilaçeve. Sidoqoftë, vlen të përmendet se ndërsa logoja e korporatës po ndryshon, konsumatorët mund të mos e vërejnë menjëherë ndryshimin. Logoja korsive do të vazhdojë të zbukurojë produkte të njohura të konsumit si ”Band-Aid” dhe ”Tylenol”. Ky ndryshim vjen pas ndarjes së fundit të ”Johnson & Johnson” në dy entitete të veçanta: njëra e fokusuar në pajisjet dhe medikamentet mjekësore dhe tjetra në produktet e shëndetit të konsumatorit, që operojnë nën emrin e markës ”Kenvue”. Vendimi për të prezantuar markën ”Kenvue” përputhet me strategjinë e ”Johnson & Johnson” për të zhvendosur identitetin e korporatës në sfond dhe për të lejuar që markat e tyre të njohura të produkteve të marrin qendrën e vëmendjes. Kjo qasje të kujton konglomeratet e tjera të produkteve të konsumit si ”Unilever”, kompania mëmë e ”Dove” dhe ”Hellmann’s” dhe ”Procter & Gamble”, e cila zotëron ”Bounty” dhe ”Charmin”. ”Kenvue” filloi tregtimin si një kompani e pavarur disa javë më parë. Dalja në ”pension” e logos së firmës J&J shënon fundin e një epoke, pasi kompania dikur me krenari pretendonte se ishte një nga emblemat e korporatave më të përdorura në botë. Me kalimin e kohës, logoja e re do të zëvendësojë gradualisht atë të vjetrën në pajisjet mjekësore dhe produktet farmaceutike të ”Johnson & Johnson”.
- Advertisment -