Këngëtarja dhe aktorja e njohur amerikane, Jennifer Lopez ka anuluar turin e saj ”This Is Me” në SHBA. ”Live Nation” njoftoi dje se turneu veror i vitit 2024 ishte anuluar duke thënë se “Jennifer po merr pushim për të qenë me fëmijët, familjen dhe miqtë e saj të ngushtë”. Lopez iu drejtua fansave të saj përmes buletinit të saj ”On the Jlo” duke shkruar se ”jam plotësisht e mërzitur dhe e shkatërruar që po ju zhgënjej”. ”Ju lutem dijeni se nuk do ta bëja këtë nëse nuk do ta ndieja se ishte absolutisht e nevojshme. Premtoj se do ta kompensoj dhe do të jemi sërish bashkë. Ju dua shumë të gjithëve. Deri herën tjetër”, thekson ajo. Kjo vjen mes spekulimeve për martesën e saj me aktorin Ben Affleck dhe dyshimeve për shitje të pakta të biletave për turneun. Turneu fillimisht ishte në mbështetje të albumit të saj të nëntë në studio ”This Is Me” dhe do të fillonte në Orlando, më 26 qershor. ”Live Nation” i siguroi fansat se do të rimbursohen automatikisht.
