Pas suksesit të dy netëve të para në Tiranë, stacioni i radhës i Gjon Mili Jazz & Blues Festival është Korça. Ditën e nesërme, emra të njohur vendas dhe të huaj të muzikës Jazz & Blues do të ngjiten në skenën e ngritur te Pazari i Vjetër në Korçë, për të performuar disa prej këngëve më të njohura. Ngjarja muzikore i bën homazh mjeshtrit të fotografisë botërore, Gjon Milit, duke i njohur kontributin për zhvillimin e muzikës jazz veçmas gjatë Luftës së Dytë. Arsi Bako është një prej zërave që rrëmbeu vëmendjen e spektatorëve. Artisti i ri, Emanuel Turhani përmes tingujve të pianos të çon në zanafillë të muzikës blues, kur siç rrëfen muzikanti Andi Kongo Antoni Maggio do të kompozonte “I got the blues”. I ftuari special, perkusionisti italian Olmo Chitto performoi në vibrafon së bashku me “Andi Kongo quartet”. Këngë të vjetra shqiptare dhe arbëreshe erdhën në ngjyrat e muzikës jazz e blues. atsh
- Advertisment -