Banka e Shqipërisë bën të ditur se, në 6-mujorin e parë të këtij viti, vlera e investimeve të sipërmarrjes shqiptare jashtë vendit arriti në 60 milionë euro. Sipas BSH-së, investimet e biznesit shqiptar jashtë vendit janë tre herë më shumë krahasuar me të njëjtën periudhë të një viti më parë, duke shënuar kështu dhe nivelin më të lartë që prej vitit 2011. Në pjesën më të madhe investimet shqiptare janë kanalizuar në kontribute direkte në kapitalin e shoqërive të huaj jashtë vendit, ndërsa një pjesë tjetër është investim në sipërmarrje. Të dhënat tregojnë se, stoku total i investimeve shqiptare jashtë vendit është i shpërndarë si në aspektin gjeografik apo edhe sektorial. Megjithatë, të dhënat zyrtare tregojnë se investimet shqiptare në Kosovë, vlerësohet në përqendrimin më të madh. Shumë prej bizneseve të konsoliduara shqiptare po zgjerohen gradualisht, duke shfrytëzuar potencialet që ofron tregu i Kosovës. Deri në fund të marsit 2022, stoku i investimeve shqiptare në Kosovë kishte vlerën e 282 milionë eurove. Me këtë shifër, Shqipëria është investitori i pestë më i madh në Kosovë.https://ata.gov.al/2022/09/14/investimet-e-sipermarrjes-shqiptare-jashte-vendit-60-milione-euro/
- Advertisment -