Hapet segmenti i ri rrugor që lidh aksin Fushë Krujë-Kamzë me Rinasin

Hapet segmenti i ri rrugor që lidh rrugën kombëtare Fushë Krujë – Kamzë me Rinasin. Kjo rrugë e re përfshin edhe urën e Tapizës, theksoi kreu i qeverisë. Vitin e kaluar u hap edhe rruga e re alternative, që lidh kthesën e Kasharit me aeroportin ndërkombëtar “Nënë Tereza” në Rinas, për t’iu përgjigjur shifrave në rritje të trafikut ajror në aeroportin e Rinasit. Në fund të gushtit, numri i pasagjerëve në aeroportin ndërkombëtar “Nënë Tereza” shënoi shifrën e 4 milionë pasagjerëve, ndërsa vendi përjetoi sezonin më të mirë turistik.