Ministri gjerman i Ekonomisë Robert Habeck dhe homologu i tij francez Bruno Le Maire publikuan sot një projekt-koncept të përbashket, duke bërë thirrje për reforma në politikën ekonomike të Bashkimit Evropian. Dy ministrat kërkuan të shkurtohet burokracia dhe të nxitet një rritje më e madhe ekonomike gjatë pesë viteve të ardhshme. “Kërkimet në inteligjencën artificiale (IA), bioteknologjinë dhe hapësirën ajrore duhet të stimulohen”, thanë ata. “Sektori i mbrojtjes duhet të forcohej, përmes një bashkëpunimi më të madh ndërkufitar”, shtuan ata. “Investimet e Bankës Evropiane e Investimeve (EIB) mbeten të nevojshme”, thanë Habeck dhe Le Maire. Ndërsa koncepti synon një shndërrim të shpejtë të sektorit të energjisë larg karburanteve fosile, Gjermania dhe Franca po marrin një qasje divergjente, pasi Parisi mbështetet në energjinë bërthamore dhe Gjermania ka mbyllur të gjitha centralet e saj bërthamore. Të dy vendet u zotuan të punojnë së bashku për të gjetur një terren të përbashkët për të arritur objektivat e BE-së për klimën dhe energjinë.
