Gjermania 400 milionë euro ndihmë ushtarake për Ukrainën

Ministri gjerman i Mbrojtjes Boris Pistorius njoftoi një paketë prej 400 milionë eurosh ndihmë shtesë për Kievin. ”Ne poi ofrojmë Ukrainës municione shtesë, municione shpërthyese, municione mortajash, raketa minierash e shumë të tjera, sepse municionet janë ato që Ukraina ka nevojë më shumë në luftën e saj mbrojtëse kundër luftës brutale të agresionit”, theksoi ai. “Përveç kësaj, ne do të ndihmojmë me automjete të blinduara dhe sisteme të pastrimit të minave. Duke pasur parasysh dimrin që po afron ne do të dërgojmë veshje, por edhe gjeneratorë”, shtoi ai. Ai anashkaloi pyetjen nëse Gjermania do të dërgonte raketat e lakmuara ”Taurus” në Ukrainë, duke thënë se ”qeveria po mendonte ende për këtë dhe se shumë pika duheshin sqaruar”. ”Ne po vlerësojmë nëse mund të ofrojmë edhe më shumë mbështetje në drejtim të trajnimit”, tha Pistorius.