Bizneset lokale, organizatat e shoqërisë civile, institucionet financiare, grupet e donatorëve dhe më shumë se 100 individë u mblodhën në Tiranë, për të ofruar kontribute financiare dhe materiale për iniciativat e bazuara në komunitet si pjesë e Giving Circles (Rrathë Dhurues) 2023. Ambasada e Shteteve të Bashkuara të Amerikës në Tiranë bëri të ditur se mbështetja e mbledhur nga Giving Circles do të shkojë në tre organizata të cilat do të ofrojnë shërbime terapeutike për 25 fëmijë me nevoja të veçanta në Qendrën “Dita e Re” në periferi të Tiranës, Bathore; ndihmë për pastrimin dhe edukimin e vizitorëve të Parkut Kombëtar Shebenik-Jabllanicë; dhe të kthejë Parkun Marigo Posio në një hapësirë çlodhëse për të moshuarit në Vlorë. Giving Circles synon të diversifikojë burimet e financimit për organizatat e shoqërisë civile dhe të mbështesë një kulturë dhurimi nga komuniteti dhe mbështetjen e sektorit privat për kauzat sociale. Nisma u organizua nga Partners Albania si pjesë e programit të Ambasadës për ndërtimin e kapaciteteve të shoqërisë civile. atsh
- Advertisment -