Eurojust hap qendrën e re për ndjekjen penale të agresionit rus ​

Në agjencinë e drejtësisë të BE-së, Eurojust do të hapet sot një qendër për ndjekjen penale të agresionit rus në Ukrainë. Qendra në selinë e agjencisë në Hagë pritet të mbledhë prova dhe të përgatisë akuza që shënjestrojnë autorët e dyshuar. Autoritetet gjyqësore të përfshira nuk e përjashtojnë mundësinë e ndjekjes penale të udhëheqjes ruse. Ukraina, disa shtete të BE-së, por edhe Gjykata Ndërkombëtare Penale (ICC) janë të përfshira në këtë qendër. Një bazë e të dhënave qendrore për provat mbi krimet e luftës, krimet kundër njerëzimit dhe gjenocidin është krijuar tashmë në Eurojust. Shtetet perëndimore kanë kërkuar prej kohësh mënyra për të ndjekur penalisht Rusinë, ndoshta në një gjykatë speciale. ICC, gjithashtu me seli në Hagë, ka lëshuar tashmë urdhër-arreste ndërkombëtare për presidentin Vladimir Putin, i dyshuar për krime lufte, siç është deportimi i dyshuar i të miturve nga Ukraina në Rusi. Megjithatë, gjykatës nuk i lejohet të fillojë procedimin për vetë agresionin. atsh