Enët e lashta prej qelqi të restauruara, të cilat u dëmtuan gjatë një shpërthimi në portin e Bejrutit në vitin 2020, do të shfaqen në Muzeun Britanik. Tetë enë, nga periudha romake, bizantine dhe islame janë bashkuar me shumë kujdes nga ekspertët e ruajtjes së muzeut dhe do të shfaqen në Londër përpara se të kthehen në Liban në fund të vjeshtës. Drejtori i Muzeut Britanik, Hartwig Fischer tha se objektet e ekspozuara në ngjarjen e quajtur “Shattered Glass Of Beirut” në “Asahi Shimbun Displays”, tregojnë historinë e shkatërrimit dhe rimëkëmbjes, të elasticitetit dhe bashkëpunimit. “Ne jemi jashtëzakonisht të kënaqur me restaurimin e këtyre objekteve të lashta prej qelqi”, tha Hidde van Seggelen, presidenti i Fondacionit Evropian të Arteve të Bukura (TEFAF). “Kthimi i këtyre pjesëve në formën e tyre të drejtë përbën një simbol bindës të qëndrueshmërisë dhe ne jemi të nderuar që kemi qenë pjesë e këtij bashkëpunimi të rëndësishëm”, shtoi ai. Artefaktet janë ndër sendet e çmuara të ruajtura nga Muzeu i Universitetit Amerikan në Bejrut (AUB) i cili u dëmtua rëndë gjatë një shpërthimi në gusht 2020. Enët ishin mes 74 artikujve nga periudha romake, bizantine dhe islame të cilat u dëmtuan nga vala goditëse e shpërthimit të portit, rreth tre kilometra larg. Muzeu Britanik tha se enët që janë ruajtur në Londër janë jashtëzakonisht të rëndësishme pasi zbulojnë historinë e zhvillimit të teknologjisë së qelqit në Liban në shekullin e 1 para Krishtit, një periudhë që përjetoi revolucionarizimin e prodhimit të qelqit./https://ata.gov.al/2022/08/28/enet-e-lashta-prej-qelqi-te-demtuara-ne-bejrut-shfaqen-ne-muzeun-britanik/
Enët e lashta prej qelqi të dëmtuara në Bejrut shfaqen në Muzeun Britanik
RELATED ARTICLES
- Advertisment -
Recent Comments
on Qarku DIBER
on Bashkia FIER
on Qarku VLORE
on Qarku VLORE
on Qarku DIBER
on 14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on Bashkia FIER
on Qarku BERAT
on Qarku DIBER
on Qarku TIRANE
on Qarku KUKES
on Qarku BERAT
on Qarku DIBER
on Bashkia FIER
on Qarku BERAT
on Qarku DIBER
on Qarku TIRANE
on 14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on Qarku VLORE
on Qarku KUKES
on Qarku BERAT
on Bashkia FIER