E vështirë të luash 90 minuta me një lojtar më pak

Trajneri i skuadrës Shkupi, Goce Sedloski, ka thënë se ekipi i tij është gjetur në disvantazh përballë Ballkanit qyshkur mori kartonin e kuq në fillim të ndeshjes. Ballkani i Suharekës ka shkruar histori të klubeve kosovare në arenën evropiane të futbollit. Kampioni kosovar i edicionit të kaluar ka depërtuar në fazën e grupeve të Conference League, që është një nga tri ligat kryesore futbollistike kontinentale. Kjo pasi pas dy ndeshjeve ka eliminuar Shkupin. Ndeshja e të enjtes në Prishtinë ka përfunduar me fitoren e klubit kosovar me rezultat 1-0. “I uroj Ballkanit fitoren dhe shumë suksese në të ardhmen. Ndeshjen e sotme e humbën që nga minuta e 2-të kur morëm kartonin e kuq”, ka thënë Sedloski. “Gabimet ndodhin në futboll, por të luash 90 minuta me një lojtar më pak është e vështirë”.https://www.rtklive.com/sq/news-single.php?ID=615214