Detyrimet e prapambetura të bashkive,1 miliard lekë për qeverisjen vendore

Detyrimet e prapambetura janë një pengesë e fortë në performancën e njësive të qeverisjes vendore. E shtyrë nga situata e tejzgjatur, qeveria ka vendosur t’i vijë në ndihmë duke bërë disa përmirësime në shpërndarjen e trasfertës specifike për bashkitë. Ky fond do të përdoret për shlyerjen e detyrimeve të prapambetura, duke i dhënë përparësi detyrimit më të vjetër. Shlyerja e këtyre detyrimeve, të krijuara para dhe pas reformës administrative dhe territoriale përbën një ndihmë të qenësishme për buxhetet vendore. Por vlen të thuash se bashkitë vijojnë të krijojnë detyrime të reja të cilat gjithashtu shtojnë presionet në buxhetin vendor. Në stokun e detyrimeve të prapambetura, peshën më të madhe e mbajnë detyrimet për investime (të cilat përfaqësuan rreth 56% të detyrimeve totale), detyrimet për shërbime (9%) dhe detyrimet për vendime gjyqësore (rreth 8%). RTSH