E intervistuar nga Jennifer Hudson, zëri i famshëm i këngës ”Believe”, Cher, 77 vjeçe, ka folur edhe për disa nga momentet e jetës së saj, shkruan skytg24.it. Gjatë bisedës, artistja shpjegoi edhe arsyen se pse zakonisht del me djem më të rinj në moshë. ”Jam shumë e turpshme me meshkujt. Dhe arsyeja pse shoqërohem me djem më të rinj është sepse djemtë e moshës sime, të cilët tashmë janë të gjithë të vdekur, kishin frikë të më afroheshin. Të rinjtë ishin të vetmit që e bënin këtë”, ishte deklarata e saj. Për më tepër, Cher foli për miqësinë e saj me Meryl Streep dhe se si e fitoi pasionin për modën nga nëna e saj. ”Mamaja ime kishte një stil të shkëlqyeshëm, por ajo ndoqi rrugën e saj, kështu që shpejt mësova se çfarë ishte stili”, thotë ajo. Aktorja, këngëtarja dhe modelja foli më pas për një moment të vështirë të jetës së saj. ”Në një moment humba të gjitha paratë që kisha fituar deri në atë moment, kështu që e nisa nga e para”, kujton Cher.
