Ministrja e Shëndetësisë dhe Mbrojtjes Sociale, Albana Koçiu u shpreh sot se një prej tyre është paketa e fertilitetit, që synon të mbështesë çiftet e reja përmes shërbimit falas të Fertilizimit in Vitro (FIVET).
Koçiu theksoi se me buxhetin e vitit të ardhshëm, rreth 150 çifte të reja do të mbështeten për të realizuar ëndrrën e tyre për të krijuar familje.
Po ashtu, ministrja bëri të ditur se “kirurgjia për vendosjen e protezës së gjirit për gratë e prekura nga kanceri i gjirit, një shërbim që për herë të parë do të ofrohet në sistemin tonë publik shëndetësor”.
“Synojmë të mbështesim rreth 300 paciente post-mastektomi, duke kontribuar në rikthimin e shëndetit dhe vetëbesimit të tyre”, tha ajo.
Sipas Koçiut, “këto janë hapa konkretë drejt forcimit të kujdesit shëndetësor, me fokus te jetët dhe mirëqenia e qytetarëve tanë”.
