Bordi i Transparencës ka ndryshuar çmimin e karburanteve nga ato të përcaktuara në mbledhjen e fundit. Kështu, referuar të dhënave lidhur me bursën Platts të datës 03.03.2023, rezulton se çmimi (FOB/MED $ Ton) i Benzinës është 849, +39 nga data 17.02.2023, $/ Ton, ndërsa çmimi i Gazoilit/Diesel është 841, +65 nga data 17.02.2023, $/Ton. Kursi i këmbimit i BSH ka pësuar ulje në 108.7 (-0.6 nga data 17.02.2023). Si rrjedhojë çmimet e vendosura janë : Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 197 lekë/litri, ndërsa i shitjes me shumicë jo më shumë se 185 lekë/litër. Çmimi i shitjes me pakicë i nënproduktit benzinë e standardit SSH EN të jetë jo më shumë se 190 lekë/litri, ndërsa i shitjes me shumicë jo më shumë se 178 lekë/litër. Çmimi i shitjes me pakicë i nënproduktit gaz, të jetë 80 lekë/litri me pakicë dhe i shitjes me shumicë 68 lekë/litër për automjetet. Çmimi i gazoilit për peshkim është vendosur 103 lekë/litër. Çmimet e caktuara nga Bordi do të hyjnë në fuqi në datë 04 Mars 2023, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes. “Bordi i transparencës që në krijimin e tij i është përmbajtur me përpikmëri në vendimet e tij lëvizjes së bursës Platts të Mesdheut për gazoilin, benzinën, si dhe faturave zyrtare të operatorëve”, thuhet në njoftim. Ministria e Financave dhe Ekonomisë sqaroi opinionin publik se jo çdo lëvizje e bursës së naftës bruto reflektohet në të njëjtën kohë dhe në të njëjtën masë në bursën e gazoilit dhe benzinës. atsh
- Advertisment -