Torbjorn Pedersen u kthye në Danimarkë, pas një udhëtimi gati 10-vjeçar, pas një turneu të paprecedentë botëror dhe pa hipur asnjëherë në avion. Me tren, autobus, varkë ose më këmbë, Torbjorn, 44 vjeç, vizitoi 203 vende që nga nisja e tij më 10 tetor 2013 nga Danimarka deri në mbërritjen e tij në Maldive më 24 maj, destinacioni i tij i fundit. ”Jam i pari që e kam ndërmarrë këtë sfidë”, siguron ai. ”Jam shumë i lumtur që jam kthyer në shtëpi në Danimarkë, e kam ëndërruar këtë moment dhe ky është sot”, shton ai. “Jam në ankth për të ardhmen. A do të jem në gjendje të filloj punë si guidëë? Apo edhe të shkruaj një libër?”, tha ai gjithashtu për zbritjen e tij nga një anije me kontejnerë në portin e Aarhusit. I mbështetur nga donacione private dhe të korporatave, ky ish-ekzekutiv i transportit detar udhëtoi nëpër Evropën Perëndimore, më pas në Amerikë, Afrikë, Evropë Lindore dhe Lindjen e Mesme, përpara se të mbërrinte në Azi. Pas Mikronezisë në janar 2020, ai shkoi në Hong Kong ku mbeti i bllokuar për dy vjet për shkak të pandemisë Covid-19. Pasi u hapën sërish kufijtë, ai u nis sërish drejt Republikës së Palaut, më pas në Oqeani dhe ishujt e Paqësorit. Ai nuk mori kurrë makinë me qira dhe preferoi udhëtimet me autobus dhe tren. Sipas rekordeve botërore Guinness, britaniku Graham Hughes është i pari që ka udhëtuar rreth botës pa aeroplan, por udhëtimi i tij ishte ndërthurur me dy kthime në BM, gjë që danezi nuk e bëri.
- Advertisment -