Borrell: Serbia dhe Kosova të zbatojnë angazhimet

Serbia dhe Kosova u zotuan për Marrëveshjen për rrugën drejt normalizimit të marrëdhënieve mes dy vendeve dhe aneksin e saj, shkroi në një postim në Twitter, përfaqësuesi i Lartë i BE-së, Josep Borrell. “Bashkimi Evropian pret që të dyja vendet të respektojnë të gjitha detyrimet që rrjedhin prej saj dhe të fillojnë zbatimin e tyre sa më shpejt e mundur”, tha ai. “Palët duhet të shmangin çdo përshkallëzim”, shtoi Borrell, duke theksuar se angazhimet e ndërmarra nga Beogradi dhe Prishtina më 19 mars, në rrugët e tyre evropiane drejt anëtarësimit janë në zhvillim e sipër. “Marrëveshja që ata arritën për tekstin e deklaratës për personat e zhdukur, gjatë takimit të kryenegociatorëve dje në Bruksel, është hapi i parë”, tha ai. Marrëveshja do të miratohet në takimin e radhës të nivelit të lartë, ku do të thirret përfaqësuesi i lartë i BE-së, Josep Borrell, presidenti serb, Aleksandar Vuçiç dhe kryeministri i Kosovës, Albin Kurti. Deklarata për personat e zhdukur gjatë luftës në Kosovë është pjesë e obligimeve të Aneksit Implementues të rënë dakord në takimin e fundit të nivelit të lartë të mbajtur në qytetin maqedonas të Ohrit.