Situata humanitare në Gaza nuk mund të ishte më e keqe, nuk ka ushqim, nuk ka ilaçe dhe njerëzit janë nën bomba. Disa ministra pranojnë se ka shumë viktima civile, por a është e mjaftueshme? Sot do të flasim edhe për këtë, deklaroi përfaqësuesi i Lartë i BE-së, Josep Borrell. ”Nuk është mënyra për të kryer një operacion ushtarak dhe këtë e them me respekt për viktimat e 7 tetorit”, shtoi ai. ”Tani e tutje duhet të flasim për një zgjidhje me dy shtete dhe jo për një proces paqeje, fjalët janë të rëndësishme. Unë e di që Izraeli nuk është dakord, por është e papranueshme kjo situatë”, theksoi Borell. ”Pra, ne duhet të diskutojmë. Cila është zgjidhja e tyre? Të largohen njerëzit nga Gaza? Vritni të gjithë? Izraeli ka nxitur urrejtje për breza të tërë. Hamasi është një nga pengesat për zgjidhjen me dy shtete, por jo e vetmja. Ne duhet të punojmë me botën arabe dhe të diskutojmë qasjet mes vete për të arritur paqen”, theksoi Borell.
