Bordi i Transparencës vendosi sot për çmimet e karburanteve referuar të dhënave lidhur me bursën Platts të datës 14.02.2023, ku ka ndryshime të çmimit nga ai përcaktuar në mbledhjen e fundit. Konkretisht rezulton se çmimi (FOB/MED $/ton) i benzinës është 848, +22 nga data 03.02.2023, $/ton, ndërsa çmimi i Gazoilit/Diesel është 838, +26 nga data 03.02.2023, $/ton. Kursi i këmbimit i BSH ka pësuar rritje të lehtë në 108.18 (+ 1.52 nga data 03.02.2023). Si rrjedhojë çmimet e vendosura janë: Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 195 lekë/litër, ndërsa i shitjes me shumicë jo më shumë se 183 lekë/litër. Çmimi i shitjes me pakicë i nënproduktit benzinë e standardit SSH EN të jetë jo më shumë se 189 lekë/litër, ndërsa i shitjes me shumicë jo më shumë se 177 lekë/litër. Çmimi i shitjes me pakicë i nënproduktit gaz, të jetë 80 lekë/litër me pakicë dhe i shitjes me shumicë 68 lekë/litër për automjetet. Çmimi i gazoilit për peshkim është vendosur 101 lekë/litër. Çmimet e caktuara nga Bordi do të hynë në fuqi në datë 15 shkurt, ora 18:00, dhe do të jenë të vlefshme deri në mbledhjen e ardhshme të Bordit ku do të pasqyrohen ndryshimet e çmimeve të shitjes. Bordi i Transparencës theksoi se që në krijimin e tij i është përmbajtur me përpikëri në vendimet e tij lëvizjes së bursës Platts të Mesdheut për gazoilin, benzinën, si dhe faturave zyrtare të operatorëve. Ministria e Financave dhe Ekonomisë ndjen detyrimin të sqarojë opinionin publik se jo çdo lëvizje e bursës së naftës bruto reflektohet në të njëjtën kohë dhe në të njëjtën masë në bursën e gazoilit dhe benzinës. atsh
- Advertisment -