Bordi i Transparencës: Çmimi i naftës, 221 lekë për litër

Bordi i Transparencës në mbledhjen e sotme vendosi që çmimi i shitjes me pakicë i nënproduktit gazoil i standardit SSH EN 590 të jetë jo më shumë se 221 lekë/litër, ndërsa i shitjes me shumicë jo më shumë se 209 lekë/litër. Në njoftimin për shtyp nga Ministria e Financave dhe Ekonomisë bëhet e ditur se çmimi i shitjes me pakicë i nënproduktit benzinë e standardit SSH EN u vendos të jetë jo më shumë se 207 lekë/litër, ndërsa i shitjes me shumicë jo më shumë se 195 lekë/litër. Ndërsa çmimi i shitjes me pakicë i nënproduktit gaz, të jetë 81 lekë/litër edhe i shitjes me shumicë 69 lekë/litër. Çmimet e caktuara nga bordi do të hynë në fuqi sot datë 2 gusht, ora 18:00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes. “Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtij vendimi. Në rast të shkeljeve të konstatuara nga operatorë të ndryshëm do të vendoset pezullimi i aktivitetit. Jemi në monitorim të vazhdueshëm të ecurisë së bursave, me qëllim reagimin sa më të shpejtë”, thuhet në njoftimin për shtyp të MFE.https://ata.gov.al/2022/08/02/bordi-i-transparences-cmimi-i-naftes-221-leke-per-liter/