Qeveria belge ka bërë të ditur se do të asgjësojë vaksina të skaduara dhe furnizime mjekësore në vlerë prej 131 milionë euro të blera gjatë pandemisë COVID-19. Sipas mediave belge, numri i vaksinave që do të asgjësohen është 3.5 milionë doza, përkatësisht 6,5 për qind e 54 milionë dozave të vaksinave të marra nga vendi. Këto vaksina janë për llojin e parë të virusit dhe do të asgjësohen së bashku me mjetet e shumta të testeve që kanë skaduar, përfshirë edhe maskat që nuk plotësojnë standardet e kërkuara. Vlera totale e furnizimeve mjekësore dhe vaksinave që do të asgjësohen është 131 milionë euro, ndërsa procesi i asgjësimit do të kushtojë 310 mijë euro. “Gjatë një krize shëndetësore të paprecedentë dhe shumë të pasigurt, është detyrë e qeverisë që të bëjë gjithçka në fuqinë e saj për të mbrojtur publikun”, tha ministri belg i Shëndetësisë, Frank Vandenbroucke. Prandaj, shtoi ai, gjatë valës së pandemisë qeveria e mëparshme prokuroi një sasi të madhe të furnizimeve mjekësore në një kohë kur materialet e tilla ishin të pakta. “Tani që kanë skaduar, ne jemi të detyruar t’i asgjësojmë”, tha ai. Megjithatë, sipas Vandenbroucke, në të gjitha vendet evropiane do të asgjësohet një sasi e madhe e vaksinave, ndërsa sasia që do të asgjësohet në Belgjikë është relativisht e ulët në krahasim me vendet e tjera për shkak të shkallës së lartë të vaksinimit. atsh
Belgjika asgjëson 131 milionë euro furnizime mjekësore dhe vaksina
RELATED ARTICLES
- Advertisment -
Recent Comments
on Qarku VLORE
on Qarku VLORE
on Qarku DIBER
on 14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on Bashkia FIER
on Qarku BERAT
on Qarku DIBER
on Qarku TIRANE
on Qarku KUKES
on Qarku BERAT
on Qarku DIBER
on Bashkia FIER
on Qarku BERAT
on Qarku DIBER
on Qarku TIRANE
on 14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on Qarku VLORE
on Qarku KUKES
on Qarku BERAT
on Bashkia FIER