Projekti EU4Labour Market Inclusion, i mbështetur nga Bashkimi Evropian, po ndihmon grupet e cenueshme në 19 bashki të Shqipërisë me mundësi punësimi, trajnime dhe shërbime sociale.
Zyra e Delegacionit të BE në Tiranë njoftoi se, fokus i Projektit “BE për përfshirjen në Tregun e Punës” do të forcojë modelet e punësimit gjithëpërfshirës dhe të zhvillimit të aftësive për grupet e cenueshme në 19 bashki në të gjithë Shqipërinë”.
Sipas BE-së, projekti synon të krijojë mundësi më të mira punësimi për të gjithë, veçanërisht për ata që rrezikojnë të mbeten pas.
Gjithashtu ai do të ofrojë shërbime gjithëpërfshirëse për mbështetje komunitare dhe të kujdesit social për personat në nevojë.
Konkretisht për Programet e punësimit aktiv: ai do të lidh grupet e margjinalizuara me mundësitë e punësimit si dhe do të zhvilloj trajnime të personalizuara, për arsimin profesional që përmbush nevojat e individëve.
Zbatimi i këtij projekti do të sjellë më shumë vende pune për të gjithë: Për më shumë gra dhe të rinj dhe persona me aftësi të kufizuara që do t’i bashkohen fuqisë punëtore.
Ndërsa Programe fleksibël të trajnimit për të rinj dhe të rritur, do të adresojnë mundësinë e nevojave të tregut të punës.
“Për personat me aftësi të kufizuara, do të ofron programe novatore punësimi dhe aftësimi të hartuara për të mbështetur personat me aftës të kufizuara të rrisin pjesëmarrjen e tyre në fuqinë punëtore”, njofton BE.
Sipas BE-së, nga ky program do të përfitojnë të rinj të moshës 15-29 vjeç, persona me aftës të kufizuara, nënat e reja të papuna, përfitues të skemës së ndihmës ekonomike , dhe përfitues të drejtpërdrejtë do të jenë 1400 individ.
