Negociatat vazhdojnë në Evropë për të arritur një qëndrim të përbashkët për rishpërndarjen e migrantëve dhe procedurat e azilit. Presidenca e BE-së e udhëhequr nga Suedia po punon për të arritur një marrëveshje për dy pjesët e legjislacionit, pjesë e paktit të ri të migracionit në Këshillin e Punëve të Brendshme të planifikuar të enjten në Luksemburg, tha sot një zëdhënëse e Stokholmit, duke nënvizuar se ekziston një vullnet i qartë për kompromis mes vendeve anëtare. Negociatat fokusohen në ekuilibrin e vështirë që mund të gjendet midis solidaritetit dhe përgjegjësisë. Çështja do të jetë sërish në tryezën e ambasadorëve të BE-së sot dhe nesër në Bruksel, në kuadër të takimit mes ministrave. “Ne po përpiqemi t’i hapim rrugën ministrave për të arritur një marrëveshje javën e ardhshme, në mënyrë që më pas të jenë në gjendje të fillojnë negociatat me Komisionin dhe Parlamentin e BE-së deri në korrik”, tha zëdhënësja, duke specifikuar se janë ende disa çështje në pritje që duhet të diskutohen më tej. Nisur nga hipoteza jozyrtare, mbi të cilën po punon Komisioni Evropian, për vendosjen e një gjobe prej 22 mijë eurosh për çdo migrant të pazhvendosur, kuptohet se zhvendosja nuk do të ishte e detyrueshme. Ideja është përballur aktualisht me kundërshtim të qartë nga vendet e Vishegradit, me Poloninë dhe Republikën Çeke në krye. Ndër pikat e diskutimit është edhe hipoteza e krijimit të një formule për të përcaktuar kapacitetin e duhur të çdo vendi, për të pritur migrantë, e cila duhet të shoqërohet me një tavan maksimal vjetor për pritjen. atsh
BE marrëveshje për rishpërndarjen e migrantëve
RELATED ARTICLES
- Advertisment -
Recent Comments
on Bashkia FIER
on Qarku VLORE
on Qarku VLORE
on Qarku DIBER
on 14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on Bashkia FIER
on Qarku BERAT
on Qarku DIBER
on Qarku TIRANE
on Qarku KUKES
on Qarku BERAT
on Qarku DIBER
on Bashkia FIER
on Qarku BERAT
on Qarku DIBER
on Qarku TIRANE
on 14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on Qarku VLORE
on Qarku KUKES
on Qarku BERAT
on Bashkia FIER