Në aksin Ura e Zapodit-Shishtavec si pasojë e stuhisë së fortë ka pasur prezencë të shtuar të dëborës në trup të rrugës. Autoriteti Rrugor Shqiptar bën të ditur se “mjetet borëpastruse me forcë të shtuar punëtore po punojnë pa ndërprerje për pastrimin e rrugës”. Sipas ARRSH-së rruga është e hapur për qarkullimin e mjeteve. ARRSH i bën apel drejtuesve të mjeteve të pajisen me goma dimërore dhe zinxhirë kur udhëtojnë për në segmentet me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore.
