Arena Karting Albania

“Arena Karting Albania”, pista e garave që gjendet në fshatin Pjezë, rrugës për Ndroq është investimi më i ri dhe ende i vetmi i këtij lloji në Ballkan. Kryeministri Edi Rama ndau sot pamje në rrjetet sociale teksa shoqëronte të birin Zahon, i cili pa nga afër dhe shijoj konceptin e ri të garave karting. “Kjo mrekulli e re, për fëmijë e të rritur, e quajtur “Arena Karting Albania” gjendet në fshatin Pjezë, rrugës për Ndroq, një investim i ri dhe ende i vetmi në Ballkan i këtij lloji”, shkruan Rama në rrjetet sociale. “Arena Karting Albania” u ofron fëmijëve dhe të rriturve mundësinë të përjetojnë ndjesitë e një piloti F1 në arenën më të madhe karting në Shqipëri. Pista e “Arena Karting Albania” është e vetmja dhe më e madhja indoor, jo vetëm në Shqipëri, por në të gjithë Ballkanin! Me një sipërfaqe prej 4.200 m2, pistë moderne me 2 nivele, fasilitete bashkëshoqëruese, kjo Arenë prezanton te publiku shqiptar një koncept të ri të garave karting. Aktivitetet janë të shumëllojshme dhe të përshtatshme për fëmijë dhe të rritur, amatorë dhe profesionistë.http://ata.gov.al/2022/10/30/rama-pista-e-garave-arena-karting-albania-investim-i-ri-dhe-ende-i-vetmi-ne-ballkan/