Një gjyqtar nga Shqipëria për herë të parë ka arbitruar një sfidë të Ligës së Kampionëve. Bëhet fjalë për Enea Jorgjin, gjyqtarin nga Elbasani, i cili mbrëmjen e të martës arbitroi sfidën e javës së parë të Ligës së kampionëve mes skuadrës zvicerane të “Young Boys” dhe “RB Leipzig”, ndeshje e cila u mbyll me fitoren e gjermanëve me rezultatin 3-1. Ndërkohë, gjyqtari shqiptarë Enea Jorgji u ndihmua në drejtimin e kësaj sfide nga Denis Rexha dhe Ridiger Çokaj. Gjyqtari shqiptar nuk u kursye në vendosjen e kartonëve të verdhë, 7 të tillë, duke ndëshkuar futbollistë si Benito, Lauper dhe Blum për vendasit, Kampl, Simons, Forsberg, dhe Simanak për miqtë. Jorgji po ashtu u ndihmua dhe nga VAR për të marrë vendimin për të mos vërshëllyer një 11-metërsh.
- Advertisment -