Autoriteti i Mbikëqyrjes Financiare bëri të ditur se pjesëmarrja në tregun sekondar të titujve të qeverisë, për periudhën janar-shtator të këtij viti, dominohet nga investitorët individualë, të cilët kryen 98.61 % të të gjitha transaksioneve në këtë treg. Autoriteti i Mbikëqyrjes Financiare raportoi sot se vëllimi i tregut sekondar të titujve të qeverisë për periudhën janar-shtator 2022, u dominua në masën 54.02 % nga transaksionet në instrumente afatgjatë (obligacione) dhe 45.98 % nga transaksione në instrumente afatshkurtër (bono thesari). Parë nga këndvështrimi i numrit të transaksioneve, 79.67 % e të gjitha transaksioneve të tregut sekondar të titujve të qeverisë, i takojnë transaksioneve të kryera në bono thesari. Të dhënat statistikore të tregut me pakicë të titujve të qeverisë për periudhën janar-shtator 2022, flasin për një dominim të transaksioneve “blerje në tregun primar” dhe “shlyerje e vlerës nominale në maturim”, përkatësisht me 63.80 % dhe 22.11 % kundrejt vëllimit të përgjithshëm. Totali i transaksioneve në vlerë absolute është rritur me rreth 3,429 milionë lekë, krahasuar me periudhën janar–shtator 2021.http://ata.gov.al/2022/10/24/amf-investitoret-individuale-kryen-mbi-98-te-transaksioneve/
- Advertisment -