A mund të na habisin gorillat më shumë se kaq?

Stafi në një kopsht zoologjik të Ohajos përjetoi një lindje të çuditshme, kur një gorillë, që ata besonin për katër vjet se ishte mashkull, arriti të bënte diçka të tillë. Kopshti zoologjik ”Columbus” tha se Sully, e cila ka qenë rezidente që nga viti 2019, u zbulua me fëmijën e saj të enjten. Stafi tha në një postim në blog se foshnja “duket e shëndetshme” dhe se Sully ishte një nënë e shkëlqyer. Ata shtuan se Sully kishte qenë gjithmonë në gjendje të mirë shëndetësore, kështu që nuk kishte pasur kurrë nevojë për ekzaminime, gjë që çoi në ngatërresa. ”Lindja ishte e papritur, por emocionuese për ekipin e kujdesit dhe e rëndësishme për ruajtjen e një specieje të rrezikuar fort”, tha stafi në një postim në blog. Kujdestarët e kopshtit nuk dyshuan asgjë derisa panë “mashkullin” duke ushqyer fëmijën e saj. ”Është e vështirë të dallosh gjininë e gorillave më të rinj”, thanë ata. ”Tetë vjeçe, Sully ishte mjaft e moshuar për t’u riprodhuar, por ende shumë e re për të treguar shenja të dukshme të gjinisë së saj”, shtuan ata. “Deri në rreth tetë vjeç, meshkujt dhe femrat kanë përafërsisht të njëjtën madhësi trupore dhe nuk kanë organe seksuale të spikatura”, tha stafi. Gorillat zakonisht nuk tregojnë shenja shtatzënie as për shkak të barkut të madh dhe gorillat e mitura janë dukshëm më të vogla se foshnjat e njeriut. “Ne jemi të emocionuar nga shtimi i një lindjeje tjetër për këtë specie të rrezikuar”, tha kopshti zoologjik. “Si gorilla e 34-të e lindur këtu që nga viti 1956 kur kopshti zoologjik ‘Columbusu bë kopshti zoologjik i parë në botë që mirëpriti lindjen e një foshnje gorilla, ajo është një pjesë e rëndësishme e punës sonë për të ruajtur këto kafshë madhështore”, theksoi stafi. Kopshti zoologjik tha se do të kryente teste të ADN-së për të përcaktuar babain. Sully jeton në një tufë të udhëhequr nga Mac, 39 vjeç, që përfshin edhe dy meshkuj më të rinj, Kamoli, 10 vjeç dhe JJ, gjashtë. Dhe pavarësisht habisë me Sully, ”Columbus” tha se ishte i sigurt për gjininë e bebes. “Është vajzë! Ekipi ynë e konfirmoi këtë vizualisht dhe me fotografi që iu dërguan gjithashtu një eksperti të primatëve”, tha kopshti zoologjik. atsh