Çfarë do të ndodhte nëse Eva nuk do të kishte joshur Adamin me mollë?
Besojeni apo jo, me siguri do të kishte qenë një ftua. Në fakt, shumë njerëz besojnë se është ftua– dhe jo mollë– fruti i përmendur në “Kënga e Solomonit”. Dhe kjo ka një kuptim, pasi ftoi është kultivuar shumë më herët se molla dhe ndoshta arriti në Palestinë që në vitin 100 P.E.S. Ftoi është i pasur në pectin-ë, një lloj fibre e tretshme, e cila ul kolesterolin në gjak dhe që vonon përthithjen e glukozës (sheqerit) në gjak. Një ftua i vetëm ka më shumë se 1½ g fibra, plus 181 mg potassium dhe 13 mg vitaminë C. Edhe pse nuk mund të quhet një frut super yll, ofrohet si një shtesë e këndshme për t’u eksperimentuar sa herë doni të krijoni një sallatë me fruta të shëndetshme. Ftoi ka një aromë të fuqishme, dhe nëse e lini në temperaturën e dhomës, aroma e tij do të rezistojë për javë të tëra. Në kohërat antike ftoi përdorej si aromatizues për dhomat.
