Policia Rrugore e Tiranës ka zhvilluar sot një takim sensibilizues me nxënës shkollash, ku u theksua rëndësia e zbatimit të rregullave të qarkullimit rrugor. Në një postim në rrjetet sociale, Ministri i Brendshëm Taulant Balla bën të ditur se sot, në shkollën 9-vjeçare “Sabaudin Gabrani” në kryeqytet, efektivë të Policisë Rrugore kanë zhvilluar një bashkëbisedim me nxënës për t’i shpjeguar rëndësinë e zbatimit të rregullave të qarkullimit rrugor, veçanërisht sinjalistikës rrugore.
