Banorët në Rripin e Gazës u mblodhën sot për të protestuar kundër luftës mes Izraelit dhe organizatës islamike palestineze Hamas, në qytetin Khan Younis. Dëshmitarët okularë thanë se dhjetëra njerëz morën pjesë në një tubim në qytetin jugor, ndërsa gazeta izraelite “Haaretz” raportoi qindra pjesëmarrës. “Protestuesit i bënë thirrje të dyja palëve që të ndalojnë luftimet”, raportoi Haaretz. Sipas raportit, palestinezët i bënë thirrje kryeministrit izraelit Benjamin Netanyahu dhe liderit të Hamasit në Gaza, Yehya al-Sinwar për vendosjen e një armëpushimi. Sipas dëshmitarëve okularë, dhjetëra njerëz protestuan dje kundër luftës në Deir al-Balah në pjesën qendrore të Rripit të Gazës. Ata kërkuan gjithashtu lirimin e pengjeve të rrëmbyer nga Izraeli për t’i dhënë fund luftës
