Venezia nuk do të ketë më rrugë të bllokuara dhe grupe të mëdha që ndjekin guidën me megafonë. Nga 1 qershori i ardhshëm do të ketë revolucion në Venecia me ndryshimin e rregullores komunale. Administrata veneciane pritet të vendosë një kufi për grupet e organizuara të turistëve që mund të përbëhen nga maksimumi 25 persona. Mikrofonat dhe altoparlantët do të ndalohen jo vetëm në qendrën historike, por edhe në ishujt Murano, Burano dhe Torcello. Masa do të bëjë debutimin e saj pak më shumë se një muaj pas ditës së parë të aksesit të kufizuar, të caktuar për 25 prill. Vendimi komunal synon të plotësojë “nevojat për mbrojtjen e banorëve dhe promovimin e lëvizshmërisë së këmbësorëve”.
