Ministrat e jashtëm të NATO-s do të takojnë sot homologun e tyre ukrainas Dmytro Kuleba në Bruksel për të diskutuar situatën në fushën e betejës dhe mbështetjen për Kievin nga Perëndimi. Gjithashtu në axhendë ishte përpjekja e Ukrainës për të përafruar aparatin e saj të mbrojtjes dhe sigurisë me standardet e NATO-s, në dritën e pranimit të mundshëm të ardhshëm të Ukrainës në aleancë. “Ne duhet të fillojmë të punojmë tani për hapat konkretë, mbi atë që mund të bëjmë si NATO për të ndihmuar Ukrainën të përgatitet për t’u bashkuar me NATO-n”, theksoi ministri i Jashtëm i Lituanisë Krisjanis Karins, pas mbërritjes së tij në selinë e Aleancës. ”Kjo përfshin ndoshta çështje legjislative, sigurisht çështje ushtarake, procedura operacionale, pajisje, metoda për të bërë gjëra”, theksoi Karins. “Nuk ka shumë nevojë tani për të hyrë në debatin se kur dhe si Ukraina do të anëtarësohet në NATO, por ne duhet të marrim masa praktike”, shtoi ai. Ministrat e Jashtëm do të diskutojnë për herë të parë në Këshillin e sapo krijuar NATO-Ukrainë, i cili pritet të lehtësojë bashkëpunimin deri në plotësimin e kushteve për anëtarësimin e Ukrainës.
