Kryetarja e bashkisë së Durrësit, Emiriana Sako njofton se janë gjobitur dhe referuar në Prokurori e Polici disa biznese të cilat janë evidentuar duke ndotur ambientin. Përmes një reagimi në rrjetet sociale, kryebashkiakja Sako u shpreh se vijon puna për mbajtjen pastër të qytetit të Durrësit. “Do të vijojmë punën në terren për të mbajtur Durrësin të pastër, por kjo nuk është një punë që bëhet vetëm, pa mbështetjen e qytetarëve dhe biznesit”, garanton Sako. “Policia bashkiake në terren vazhdon punën duke gjobitur ato biznese për të cilët informimi dhe komunikimi i institucioneve nuk vlen, e që rrugët e qytetit i konsiderojnë kosha për mbetjet e tyre”, shkruan Sako. “Çështjen e ka në ndjekje Policia e Shtetit dhe Prokuroria”, përfundon reagimin e saj kryetarja e bashkisë së Durrësit, Emiriana Sako.
