Në dy ditët e para të nëntorit në Portin e Durrësit u përpunuan 10 anije me 13 494 tonë mallra. Sipas Autoritetit Portual Durrës, gjatë ditës së sotme po përpunohen 4 anije me 7494 tonë mallra, si skrap, grurë e çmento dhe 1250 njësi konteinerike. Ndërsa ditën e djeshme u përpunuan 5 anije me rreth 6,000 tonë mallra dhe 2,215 njësi konteinerike. Me vënien në funksion të sistemit operativ online Navis 4, ofrohet një standard i ri pune në fushën e përpunimit të kontejnerëve në portin e Durrësit. Porti i Durrësit është më i madhi në vend. Anijet tregtare që transportojnë mallra nga/drejt Durrësit kanë lundruar deri tani nga/drejt 67 porteve në 24 vende të botës.
