Gjashtëmbëdhjetë nga 35 spitalet e Rripit të Gazës nuk janë më në gjendje të trajtojnë pacientë për shkak të mungesës së karburantit, deklaroi një zëdhënës i ministrisë së Shëndetësisë të drejtuar nga Hamasi. Sipas tij spitalet e mbetura mund të ofrojnë vetëm standarde shumë të kufizuara të kujdesit mjekësor. Bllokada e vazhdueshme e Izraelit ka ndërprerë furnizimet e Gazës me karburant, energji elektrike dhe ujë. Karburanti nevojitet që gjeneratorët e spitalit të prodhojnë energji elektrike rezervë. Shumë njerëz të zhvendosur brenda në Gaza kanë kërkuar gjithashtu strehim në spitale për shkak të sulmeve të egra izraelite në përgjigje të masakrave të Hamasit të 7 tetorit. Sipas të dhënave të Kombeve të Bashkuara, tani ka 1,4 milionë të zhvendosur në brezin e ngushtë bregdetar me më shumë se 2,2 milionë banorë.
