Represioni nga autoritetet iraniane ndaj grave që nuk respektojnë kodin e rreptë të veshjes së Republikës Islamike, me mbulesën e detyrueshme, vazhdon. “Aktoreve që dolën në publik duke hequr hixhabin do të pezullohen nga puna”, deklaroi sot në një konferencë për media ministri i Kulturës dhe Orientimit Islamik, Mohammadmehdi Esmaili. “Veshja e hixhabit është ligj dhe aktoret që nuk respektojnë ligjin nuk do të lejohen të punojnë”, theksoi ai. Disa aktore kanë hequr mbulesat e tyre që nga viti i kaluar, në mbështetje të protestave kombëtare kundër Republikës Islamike dhe në mbrojtje të të drejtave të grave, të shkaktuara nga vdekja e kurdo-iranianes Mahsa Amini, 22-vjeçarja e arrestuar për mosveshjen e hixhabit në mënyrë korrekte dhe vdiq ndërsa ishte në paraburgim policor më 16 shtator. Mediat iraniane raportuan dje se një duzinë aktoresh u shkelën ligjin e hixhabit – përfshirë Taraneh Alidoosti, Katayoun Riahi dhe Fatemeh Motamed-Aria.
