Presidenti rus Vladimir Putin mbërriti në Pekin për një samit mbi një projekt masiv infrastrukturor që synon të lidhë më mirë Azinë me tregjet evropiane dhe afrikane.
”Udhëheqësi i Kremlinit mbërriti në aeroportin e kryeqytetit të martën në mëngjes”, njoftoi televizioni shtetëror kinez.
Putin, përveç pjesëmarrjes në forum, do të takohet me liderin kinez Xi Jinping.
Të dy pritet të diskutojnë politikën ndërkombëtare, duke përfshirë situatën në Lindjen e Mesme.
Kina është një partnere e rëndësishme për Rusinë.
Në luftën në Ukrainë, Kina zyrtarisht paraqitet si neutrale, por mbështet Rusinë.
Ky do të jetë udhëtimi i dytë i Putinit jashtë vendit, pas shpalljes nga Gjykata Ndërkombëtare Penale të një urdhërarresti për krime lufte.
Kina nuk është nënshkruese e Statutit të Romës që krijoi gjykatën në qytetin holandez të Hagës dhe për këtë arsye mund të injorojë urdhrin e arrestit nëse Putini viziton vendin.
