NASA zbulon përmbajtjen e mostrës së asteroidit Bennu

Një mostër e pacenuar asteroidi që mund të shërbejë si një kapsulë kohore nga ditët e para të sistemit tonë diellor është zbuluar së fundmi. Administratori i NASA-s, Bill Nelson ka deklaruar se shkëmbinjtë dhe pluhuri përmbajnë ujë dhe një sasi të madhe karboni, dhe sugjeron se asteroidët mund të kenë dorëzuar blloqet e ndërtimit të jetës në Tokë. Sipas Doktor Xheson Duorkin (Jason Dworkin), shkencëtar i projektit OSIRIS-REx në Qendrën e Fluturimeve Hapësinore Goddard të NASA-s në Greenbelt, Maryland, kampioni është gati 5% karbon ndaj peshës, duke e bërë atë një nga përqendrimet më të larta të karbonit për t’u studiuar në një asteroid. “Duke tejkaluar shumë objektivin tonë prej 60 gramësh, ky është mostra më e madhe e asteroidit e pasur me karbon që është kthyer ndonjëherë në Tokë. Molekulat e karbonit dhe të ujit janë pikërisht llojet e materialit që ne donim të gjenim. Ata janë elementë thelbësorë në formimin e planetit tonë. Dhe ata do të na ndihmojnë të përcaktojmë origjinën e elementeve që mund të kenë çuar në jetë”, tha Nelson. Mostra, e mbledhur nga asteroidi Bennu 4.5 miliardë vjeçar afër Tokës në tetor 2020 nga misioni OSIRIS-REx i NASA-s, mbërriti në Tokë në një kapsulë më 24 shtator, duke rënë nga anija kozmike dhe duke u ulur në shkretëtirën e Jutës. Që atëherë, shkencëtarët kanë punuar shumë duke studiuar pasurinë e materialit. Rezultatet e analizës u ndanë dje (11 tetor) gjatë një transmetimi të drejtpërdrejtë të NASA-s nga Qendra Hapësinore Johnson e agjencisë në Hjuston. Është mostra më e madhe e asteroidit e kthyer në Tokë. Kishte aq shumë materiale “bonus” kur shkencëtarët hapën kutinë, sa ekipi nuk ka hapur ende mostrën e madhe. Një ‘arkivë thesari me material jashtëtokësor’. Gjatë dy javëve të fundit, ekipi shkencor analizoi disa nga shkëmbinjtë dhe pluhurin duke përdorur një mikroskop elektronik skanues, duke marrë matje me rreze infra të kuqe dhe duke kryer një analizë të elementeve kimike. Ata përdorën gjithashtu rreze X për të krijuar një model 3D të njërës prej grimcave për të zbuluar përbërjen e saj, duke zbuluar një “thesar shkencor” të përmbajtjes së karbonit dhe ujit. “Analiza e parë tregon mostra që përmbajnë ujë të bollshëm në formën e mineraleve të argjilës së hidratuar dhe ato përmbajnë karbon si minerale ashtu edhe si molekula organike,” tha Nelson. Ekipi ndau imazhe të detajuara të grimcave që zbulojnë mineralet e argjilës që përmbajnë ujë.