Shkëmbimi i zjarrit vdekjeprurës në veri të Kosovës, më 24 shtator dhe paralajmërimi i Uashingtonit javën e kaluar për një dislokim të paprecedentë të trupave serbe pranë kufirit me Kosovën kanë ngritur shqetësime për stabilitetin e rajonit. Dhe ndërsa zyrtarët ushtarakë serbë thanë dje se Beogradi ka reduktuar numrin e trupave në kufi, shqetësimet vazhdojnë në kryeqytetet perëndimore. “Jam thellësisht e shqetësuar për sulmin e fundit në Banjska dhe pasojat e mundshme përshkallëzuese që mund të ketë prodhuar”, tha Viola von Cramon-Taubadel, anëtare e Parlamentit Evropian. “Ne kemi qenë dëshmitarë të përkeqësimit dhe përfundimisht ngërçit në dialogun ndërmjet Serbisë dhe Kosovës”, tha Von Cramon-Taubadel, e cila është raportuesja e parlamentit për Kosovën, për “The Guardian”. Politikani i lartë serb i Kosovës, Milan Radoiçiç, kishte pranuar se ishte përfshirë në përleshjen me armë muajin e kaluar. “Ne duhet të dimë në çfarë mase dhe me ndihmën e kujt e ka kryer sulmin, duke pasur parasysh sasinë e municioneve dhe automjeteve të blinduara”, tha Von Cramon-Taubadel. “Gjithashtu, duhej të kishte një rishikim të qasjes së Brukselit”, theksoi ajo. “BE duhet të rivlerësojë strategjinë e saj të përgjithshme lidhur me bisedimet Serbi-Kosovë dhe rajonit të Ballkanit Perëndimor në terësi”, tha ajo. “Qasja aktuale, e cila fokusohet në stabilitetin ekonomik dhe politik, çoi në sulmin në Banjska. Në vend të kësaj, duhet të kemi prioritet gjërat kryesore, ligjin e së drejtës dhe demokracinë, dhe të angazhohemi më shumë me zërat përparimtarë nga i gjithë rajoni”, tha Von Cramon-Taubadel. “Dhe së fundmi, ne kemi nevojë për një përforcim të menjëhershëm të KFOR-it dhe EUFOR-it, asgjë nuk frenon më mirë se prania e trupave të fuqishme të NATO-s në terren”, shtoi ajo.
BRUKSEL: BE të rivlerësojë strategjinë për bisedimet Kosovë-Serbi
RELATED ARTICLES
- Advertisment -
Recent Comments
on Qarku DIBER
on Bashkia FIER
on Qarku VLORE
on Qarku VLORE
on Qarku DIBER
on 14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on Bashkia FIER
on Qarku BERAT
on Qarku DIBER
on Qarku TIRANE
on Qarku KUKES
on Qarku BERAT
on Qarku DIBER
on Bashkia FIER
on Qarku BERAT
on Qarku DIBER
on Qarku TIRANE
on 14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on Qarku VLORE
on Qarku KUKES
on Qarku BERAT
on Bashkia FIER