Wisner: Mbështetje për punën e gazetarëve në Shqipëri

Ambasada e Shteteve të Bashkuara të Amerikës në Tiranë organizoi pritjen e 8-të vjetore të Laboratorit të Gazetarisë Investigative me Albanian Center for Quality Journalism. Gazetarët që u bëjnë pyetje të vështira udhëheqësve të zgjedhur janë një shtyllë e demokracisë, thekson Ambasada e SHBA në një njoftim. I Ngarkuari me Punë, David Wisner theksoi mbështetjen e Ambasadës së SHBA për punën e tyre për të hedhur dritë mbi zhvillimet e rëndësishme në Shqipëri dhe gjetkë, thuhet në njoftim. “Ambasada e SHBA-së është krenare të mbështesë programin dhe mirënjohja jonë shkon për çdo anëtar të diplomuar të Laboratorit të Gazetarisë dhe çdo mentor që punon së bashku me studentët. Urime për studentët tanë të rinj të Laboratorit që u zgjodhën për të marrë pjesë në program! Suksese”, thuhet në njoftimin e Ambasadës amerikane.