Rruga Ballaban-Berat, nxitje ekonomisë lokale përmes turizmit

Kantieri i rrugës Ballaban (Këlcyrë)- Memaliaj-Berat në Lotin 3 po ecën me ritme të shpejta. Ky projekt i Autoritetit Rrugor, që së shpejti do të jetë i realizuar do të shkurtojë kohën dhe distancën e udhëtimit ndërmjet Këlcyrës, Përmetit, Tepelenës, Memaliajt dhe Gjirokastrës me Beratin, por edhe duke krijuar akses më të afërt me Greqinë, nëpërmjet pikës doganore “Tre Urat”. Me ndërtimin e kësaj rruge një rëndësi të veçantë merr edhe në shkurtimi i guidave turistike duke krijuar mundësinë e një kombinimi më të mirë mes turizmit të trashëgimisë kulturore, atij natyror gjeografik dhe agroturizmit.