Scholz: Të jemi të kujdesshëm ndaj zgjidhjeve të rreme paqësore

Kancelari gjerman Olaf Scholz mbështeti përpjekjet ndërkombëtare për të sjellë paqen në Ukrainë në fjalimin e tij në Kombet e Bashkuara. “Në të njëjtën kohë ne duhet të jemi të kujdesshëm ndaj zgjidhjeve të rreme që përfaqësojnë paqen vetëm në emër të saj”, paralajmëroi ai në debatin e përgjithshëm të Asamblesë së Përgjithshme të OKB-së. “Sepse paqja pa liri quhet shtypje. Paqja pa drejtësi quhet diktaturë. Moska më në fund duhet ta kuptojë këtë”, tha Scholz. Scholz përsëri i bëri thirrje presidentit rus Vladimir Putin që t’i japë fund luftës. Në fjalimin e tij ai bëri thirrje gjithashtu për reformën e Këshillit të Sigurimit të OKB-së të ngecur prej kohësh për të përfshirë ndikim më të madh nga Afrika, Azia dhe Amerika Latine. Që nga pushtimi rus në shkallë të plotë të Ukrainës, kanë kaluar 19 muaj pa zgjidhje. Megjithatë, po bëhen përpjekje për paqe, veçanërisht nga vendet që e konsiderojnë veten neutrale dhe nuk kanë vendosur sanksione ndaj Rusisë. Këto përfshijnë Brazilin, Indinë dhe Arabinë Saudite.