Punimet për rikonstruksionin e aksit rrugor Maliq-Lozhan i Ri-Strelcë po ecin me ritme të mira me synimin për të përfunduar në pranverën e vitit të ardhshëm. Prefekti qarkut të Korçës, Nertil Jole pa nga afër sot punimet që bëhen në këtë aks rrugor, një financim i qeverisë në vlerën 1.3 milionë lekë me tvsh. “Ky investim përveçse do të përmirësojë ndërlidhjen e komuniteteve të kësaj zone me qendrat urbane, do të nxjerrë në pah edhe një itinerar të ri rrugor, që kalon përmes një peizazhi shumë të bukur, duke nxitur një perspektivë të re për turizmin natyror”, theksoi Jole. Jole tha se rruga që do të ndërtohet ka një gjatësi 20 km e një gjerësi 8 m. Në këtë segment rrugor po ndërtohen vepra arti të vogla, mure mbajtëse, mure pritëse, tombino box dhe rrethore, kuneta, kanal betoni, si dhe sinjalistikë horizontale e vertikale
- Advertisment -