Zelensky: Në vjeshtë do të marrim raketa me rreze të gjatë veprimi

Presidenti ukrainas, Volodymyr Zelensky deklaroi se do të diskutonte me homologun e tij amerikan, Joe Biden për furnizimin me sisteme raketore me rreze të gjatë veprimi ”Atacms”, ndërkohë që ato priten të merren në vjeshtë. Këtë deklaratë Zelensky e bëri gjatë një interviste për CNN. ”Për sa i përket ‘Atacms’, do të flas sërish me presidentin Biden. Ky nuk është dialogu i parë. Gjërat po ecin. Shpresoj t’i marrim në vjeshtë. Për ne është shumë e rëndësishme të mos bëjmë pushime në këtë kundërsulm. Ne kemi shumë nevojë për to”, tha Zelensky. ”Vendi ka nevojë të madhe për armë për distanca të gjata, sisteme me rreze të gjatë veprimi, artileri dhe predha”, shtoi ai. “Shpresoj të jem në gjendje të flas me presidentin Biden. Për mua mendimet dhe mbështetja e tij janë shumë të rëndësishme. Unë mendoj se mund t’ia kthejmë faqen kësaj lufte”, theksoi Zelensky.