Ministri i Jashtëm i Ukrainës Dmytro Kuleba ka bërë thirrje për furnizimin me më shumë armë për ushtrinë ukrainase, përfshirë avionët luftarakë, tip F-16. ”Rusia nuk do të ndalet derisa të ndalet”, deklaroi ai në X. ”Komuniteti global duhet të fokusohet në detyrimin e një paqeje të drejtë dhe të qëndrueshme, pra në armatosjen e Ukrainës, përfshirë F-16, për të mbyllur qiellin, dhe zbatimin e Formulës së Paqes të Ukrainës[[, theksoi Kuleba në llogarinë e tij në X. Ndërkohë, sipas presidentit ukrainas Volodymyr Zelensky, Rusia e ka goditur sërish vendin e tij me një breshëri sulmesh raketore. ”Alarmet ajrore u dëgjuan në të gjithë vendin dhe një gositje që synonte Zaporizhian, në uzinën ‘Motor Sich’, tha Zelensky në videon e tij të transmetuar në mbrëmje në Kiev. Ai nuk tha nëse ajo është dëmtuar apo jo. ”Motor Sich” konsiderohet prodhuesi më i rëndësishëm i Ukrainës i motorëve të avionëve dhe helikopterëve dhe turbinave me gaz. Zelensky tha se rajoni i Khmelnytskyi ishte gjithashtu i goditur, por nuk dha më shumë detaje. “Disa nga raketat u rrëzuan. Falë luftëtarëve tanë të mbrojtjes ajrore”, tha kreu i shtetit. Sipas raportit, Rusia gjuajti edhe një herë raketat ”Kinschal” dhe raketat ”Kalibr” në drejtim të Ukrainës.
- Advertisment -