Zelensky zotohet të hakmerret pasi raketat ruse godasin

Presidenti ukrainas Volodymyr Zelensky u zotua të hakmerret pasi sulmet me raketa ruse goditën edhe një herë qytetin port të Odesës në Detin e Zi, duke dëmtuar rëndë pjesë të qendrës historike. Katedralja e famshme e Shndërrimit u dëmtua rëndë nga një raketë ruse, e cila shkatërroi çatinë e kishës ortodokse dhe shkaktoi dëme të shumta edhe brenda. Vetëm në Odessa, të paktën një person është vrarë dhe 22 të tjerë janë plagosur në sulmet me raketa në portin e Detit të Zi, sipas kreut të administratës ushtarake lokale, Oleh Kiper. Raketat ruse goditën infrastrukturën portuale dhe dëmtuan gjashtë ndërtesa banimi. Sulmet ruse vranë shumë njerëz gjatë natës deri në mëngjesin e së dielës, sipas zyrtarëve lokalë. “Raketat kundër qyteteve paqësore, kundër ndërtesave të banimit, një katedrale… Nuk mund të ketë asnjë justifikim për të keqen ruse”, shkroi Zelensky në një postim në Telegram. atsh