Shtëpia e Bardhë:Avionë luftarakë F-16 në Turqi

Presidenti amerikan Joe Biden dëshiron të ecë përpara me shitjen e avionëve luftarakë F-16 në Turqi, deklaroi këshilltari i tij për sigurinë kombëtare, Jake Sullivan. ”Biden e ka bërë të qartë prej muajsh se ai mbështet shitjen e F-16 në Turqi. Ishte në interesin e SHBA-së dhe të NATO-s që Turqia të merrte avionët luftarakë”, u tha Sullivan gazetarëve në kryeqytetin lituanez Vilnius, ku do të takohen liderët e NATO-s. Sullivan tha se ”ecja përpara me shitjen e avionëve F-16 nuk ka lidhje me përfundimin e kundërshtimit të Turqisë ndaj anëtarësimit të Suedisë në NATO, megjithëse Biden i ka lidhur më parë këto dy çështje”. Qeveria amerikane duhet të njoftojë zyrtarisht Kongresin për shitjet e armëve. Disa ligjvënës kishin thënë më parë se do të përdornin të drejtën e tyre për të vënë veton ndaj shitjes nëse Turqia vazhdon të bllokojë Suedinë nga anëtarësimi në NATO. Pasi presidenti turk Recep Tayyip Erdogan u zotua t’i japë fund kundërshtimit të tij ndaj pranimit të Suedisë, marrëveshja e armëve së shpejti mund të ecë përpara. atsh