Shtetet e Bashkuara të Amerikës kanë shuar shpresat e Ukrainës për t’u bashkuar shpejt me NATO-n, ndërsa aleanca pritet të takohet në një samit, javën e ardhshme. “Ukraina nuk do t’i bashkohet NATO-s”, tha dje në mbrëmje këshilltari i Sigurisë Kombëtare i presidentit amerikan Joe Biden, Jake Sullivan. SHBA-ja mbështet në mënyrë eksplicite një “politikë të dyerve të hapura”, që do të thotë se anëtarët do të marrin së bashku me Ukrainën një vendim nëse ajo do t’i bashkohet aleancës. “Megjithatë, Ukraina do të duhet të zbatojë reforma të mëtejshme përpara se të bëhet anëtare”, tha Sullivan. “Samiti në Vilnius, Lituani, do të jetë një moment historik i rëndësishëm në këtë drejtim”, tha ai. Ukraina ka bërë thirrje për marrjen e një vendimi të shpejtë për lejimin e anëtarësimit të saj në NATO, megjithëse aleanca në përgjithësi përjashton pranimin e një vendi me një mosmarrëveshje territoriale të vazhdueshme. atsh
- Advertisment -